Romana

Con fecha 25 de septiembre de 2007, el Prelado del Opus Dei, S.E.R. Mons. Javier Echevarría, ha establecido que la Quasi-Región de Austria pase a comprender Austria y Hungría y ha erigido Chequia y Eslovaquia como Delegación dependiente del Prelado, mediante el siguiente decreto:

Nos Dr. D. XAVERIUS ECHEVARRÍA

Dei et Apostolicæ Sedis gratia

Prælatus

DECRETUM

Perspectis nn. 150 et 152, §2 Codicis iuris particularis Operis Dei.

De Consilii Generalis atque Assessoratus Centralis consensu, detracta parte territorii quæ ad interim ad Quasi-Regionem Austriæ pertinebat, decreto hoc nostro:

Statuimus ut Quasi-Regio Austriæ ad fines Austriæ et Hungariæ contrahatur.

Pariter, auditis Consilio Generali et Assessoratu Centrali:

Novam erigimus Prælaturæ circumscriptionem, nempe Delegationem Cechiæ et Slovachiæ a Nobis dependentem, quæ harum Rerum Publicarum territoria complectatur.

Datum Romæ, ex Ædibus Curiæ Prælatitiæ, die 25 mense septembri anno 2007.

XXaverius Echevarría

Rev.mus D. Dr. Ernestus Burkhart

Curiæ Prælatitiæ Cancellarius

Reg. Gen. R. lib. VI pag. 27

Nos Dr. D. XAVERIUS ECHEVARRÍA

Dei et Apostolicæ Sedis gratia

Prælatus

DECRETUM

Cum Delegatio Litoris Eburnei, a Prælato dependens, eum progressionis gradum attigerit, qui requiritur ut in Quasi-Regionem erigatur.

Perspectis nn. 150 et 152, §1 Codicis iuris particularis Operis Dei.

De Consilii Generalis atque Assessoratus Centralis consensu, Praelaturæ Quasi-Regionem Litoris Eburnei erigo atque erectam declaro.

Datum Romæ, ex Ædibus Curiæ Praelatitiæ, die 18 mense decembri, anno 2007.

XXaverius Echevarría

Rev.mus D. Dr. Ernestus Burkhart

Curiæ Prælatitiæ Cancellarius

Reg. Gen. R. lib. VI pag. 28

Nos Dr. D. XAVERIUS ECHEVARRÍA

Dei et Apostolicæ Sedis gratia

Prælatus

DECRETUM

Perspecto n. 153 Codicis iuris particularis Operis Dei. Ad meliorem curam exercendam laboris apostolici in Regione Mexici, auditis Consilio Generali atque Assessoratu Centrali necnon Vicario Regionali Mexici iisque quorum interest, hoc præsenti decreto Prælaturæ Delegationem El Bajío, a Commissione Regionis Mexicanæ dependentem et in civitate Aquarum Calentium sedem habentem, erigo atque erectam declaro.

Hæc Delegatio complectitur Status Aguascalientes, Guanajuato, Querétaro, San Luis Potosí et Zacatecas necnon, e Statu Jalisco, municipia Encarnación de Díaz, Lagos de Moreno, Ojuelos de Jalisco, San Diego de Alejandría, San Juan de los Lagos, Teocaltiche, Unión de San Antonio et Villa Hidalgo.

Datum Romæ, ex Ædibus Curiæ Prælatitiæ, die 24, mense decembri, anno 2007.

XXaverius Echevarría

Rev.mus D. Dr. Ernestus Burkhart

Curiæ Prælatitiæ Cancellarius

Reg. Gen. R. lib. VI pag. 28